حرص السيناريست تامر حبيب، الإشادة بمسلسل “بدون سابق إنذار ” بطولة الفنان آسر ياسين، الذي يعرض حاليا ضمن مسلسلات رمضان 2024.

علق تامر حبيب عبر صفحته على موقع التواصل الاجتماعي “فيسبوك” قائلا:“بدون سابق إنذار ومن أول حلقة، قدرتوا وببساطة وسلاسة تخلوني أصدقكم وأتعاطف معكم، وبمجرد ما اديتلكم صباعي، كلتوا دراعي، أو بالأحرى كلتوني كلي، بقيت واحد منكم، شايل همكم قدكم وساعات أكثر منكم، محتاس حوستكم ومتلخبط لخبطتكم".

وأضاف:" عايز أعرف عشان أرتاح وأنا عارف إني لو عرفت مش هارتاح، خايف على عمر من رد فعلكم أكثر من خوفي عليه من المرض، بس متطمن إنكم بتحبوه أياً كان المستخبي، وفي نفس الوقت حالة التخبط وعدم الاتزان والتوتر المرضي اللي انتوا فيه قالقني عليكم وعلى الولد”.

تابع تامر حبيب: “أما عن عمر حبيبي، الولد ده ممثل عظيم، فاهم ومستوعب ومسيطر على أبعاد شخصيته وأحوالها، ولا عمره خرج من الشخصية لحظة واحدة، ولا فقد تصديقه للدور اللي بيشخصه وبالتالي صدقناه بكل حواسنا وبقينا حاسين كلنا إنه ابننا، ماتخافش يا عُمَريكو، هتخف وهتبقى كويس وتاكل تشيز كيك وترجع المدرسة وتعمل كل اللي نفسك فيه، وعمر بابا وماما ما هيتخلوا عنك”.

واختتم تامر حبيب قائلًا: “والنبي يا صحابي وزمايلي الحلوين قوي اللي قدام وورا الكاميرا ما توجعوا قلبي قوي عشان على قد ما أنا ممنونلكم على قد مانا قلقان من إبداعكم وواقعيتكم دول”.

مسلسل بدون سابق إنذار بطولة آسر ياسين، عائشة بن أحمد، أحمد خالد صالح، جهاد حسام، نهال عنبر، ياسر على ماهر، إسلام حافظ، نورا شعيشع، فتوح أحمد، حنان سليمان، عمر الشناوى، مينا النجار، الطفل سليم يوسف تأليف وسيناريو وحوار الحلقات عمار صبرى، سمر طاهر، كريم الدليل، قصة ومعالجة درامية ألمى كفارنة وإخراج هانى خليفة.