كشفت الفنانة نيكول سابا عن رأيها في إجراء عمليات التجميل، موضحة أنها قد تجري بوتكس وفيلر بشكل محدود وليس لديها هوس التجميل، لافتة إلى أنها من الشخصيات المظلومة على الشاشة لأنها تظهر أكبر سنًا عكس الحقيقة.

وأضافت نيكول سابا في لقائها مع القاهرة 24: أنا من الناس اللي بيتظلموا على الشاشة لأني ببان أكبر سنًا وأتخن وبحتاج إضاءة معينة وممكن إحنا الفنانين ما ننمش كتير ونصحى منفخين أو نصحى منفخين من كتر النوم، وفيه تفاصيل كتير، ولكن مش كل حاجة نشوفها نقول يا الله بوتكس وفيلر.

وأوضحت نيكول سابا رأيها بالبوتكس والفيلر، قائلة: بعمل على قد ما بحتاج لكن معنديش هوس، ولكن الفكرة بتتظلمي لأن في ناس حلوة على الكاميرا وناس حلوة على الحقيقة، ولذلك لازم أقابل الملايين والمليارات علشان يشوفوني.

وعن خوفها من كبر السن، قالت: بخاف ولكن مش بخليه هاجس ومش بخاف من السن والعجز لكن بخاف أفقد الطاقة، إنك تجري زي الشباب دي تمنها كبير ومش بخاف إن بشرتي تتكسر لكن بخاف طاقتي تقل لأني بجري وبروح وبعمل مشاوير فبخاف أفقد ده وده بيقلقني من فكرة الكبر.