الثانوية تلقي الطلاب لـ «لصوص» التعليم الخاص
الثانوية العامة بعبع الكبار.. حالات الخوف والمرض والإعياء وتصل إلى حالات أسوأ تصل أحيانا إلى الانتحار !! أنت طالب أم ضحية؟!!
أسئلة ظلت عالقة عبر عقود، تعاقب عليها من يفترض مسئوليتهم عن الإجابة عنها وكان منهم فقط المراوغة والمعالجات الدعائية وقصيرة النظر للأسف، ربما هذه الحالة المأساوية؛ " الثانوية العامة"، لما لا نتساءل لماذا كل هذا !! وأي مصيبة بها نحن .. إنها مصيبة للكثيرين .. أعتبرها مثل القضاء والقدر شيء حتمي، طريق نسلكة ولابد من حتميته كانت نتيجته مرة أو حلوة فهو طريق صعب وهدف شاق حتى تصل إلى غايتك المنشودة بعد ذلك.
جميعنا يعرف أن التعليم في مصر "سلطة" بالمعنى العامي كما نقول، وخصوصًا تنسيق الثانوية العامة؛ فالطالب طوال العام يحارب ويجتهد في دروسه ويحفظ في كتب كثيرة وهو لا يفهم منها شيئًا، ولا يستفاد منها بأي شيء بعد ذلك، لما تعليمنا بكل هذا السوء.
ويدخل الطالب الامتحانات ومثل كل عام؛ بكاء الطلبة مجرد خبر في التليفزيون وبينتهي الموضوع على هذا الحال كل عام، من غير مانشوف حل وتمر الأيام ويبدأ التنسيق.
التنسيق وأكذوبة الموضوعية، وطبعًا ماحدش بيدخل الكلية اللي هو عاوزها، وبتفرق معاه على درجة أو حتى ربع درجة، وللأسف يلجأ الطلبة لـ"الجامعات الخاصة" لتحقق أحلامهم التي هدمها التنسيق الظالم كما يقال كل عام، تدخل كلية كويسة ودي بقي المصيبة الأكبر إنك بتدخل الجامعة الخاصة وبتتفاجئ إنك مش داخل تفهم وتتعلم انت داخل مشروع استثماري؛ وهوب بعد سنة واتنين من الدراسة تلاقي نفسك شايل مواد مش عشان انت فاشل لا خالص عشان انت مش فاهم حاجة والجامعة ترغب في زيادة فلوسها، وطبعًا انت بتستسلم للأمر الواقع وتحاول تقضي سنين الجامعة بالطول والعرض؛ عشان لو اتكلمت وطالبت بحقك هتشيل مواد أكتر، للأسف الأقوى هو اللي بيغلب، وطبعا نظام الجامعة بدكاترتة ومعيديه ووهيئة تدريسه وحتى شئون طلابه، فانت بتسكت عشان لسه عندك أمل إنك تتخرج وتشتغل وتحقق كل أحلامك وبترجع تتصدم إنك مش لاقي شغل عشان انت أصلا ماتعلمتش صح، عشان تشتغل صح ومش هتقدر تتكلم وتطالب بحقك عشان تطلع إنسان محترم وتقدر تشتغل صح وتنمي بلدك، وبنرجع نقول ليه البلد مش بتتقدم عشان حضرتك مش عارف تتعلم، يا جماعة أرجوكم من حق كل طالب إنه يتعلم صح، صمم إنك تتعلم وتشتغل في بلدك، انت مش بتقدر تعمل حاجة غير إنك تقول أنا هسافر وتهرب بدل ما تواجه نفسك وتتحدى نفسك، فيه إن كل واحد لازم ياخد حقه، في تعليم وقيس على التعليم كل حاجة.. ياريت كلامي يفيدك ويخليك تفكر صح وتصمم على حلمك.
صمم على حلمك وماتسيبوش يضيع منك.
