مشكلة إن الواحد مش بينام كويس، دي مشكلة بتقابل ناس كتير جدا وبتبقى متعبة بذات لما تحس إن مافيش سبب معين يخليك متنامش كويس، وفي إشارات كده بتأكد لو الواحد بينام كويس أو لأ…

1- النسيان: لو لاقيتي نفسك بتنسي بشكل مبالغ فيه، بتنسي مواعيد، بتنسي تعملي حاجات في البيت، بيبقى في صعوبة في إنك تفتكري أي حدث…نشاط الذاكرة مرتبط بفترة النوم الطويلة، فا لو نومك قليل أوي، موضوع الذاكرة ده هيكون في الضياع.

2- زيادة التوتر: التوتر والضغط الزايد ده بيعمل مشاكل قد كده، ممكن جدا يأثر عليكي وعلى تعاملاتك مع باقية الناس وزيادة التوتر بشكل مبالغ فيه ممكن توصل للشخص إنه مايبقاش قادر على النوم من كتر ما دماغه بتفكر في مليون حاجة.

3- قلة التركيز: قلة النوم بتقلل نسبة التركيز بشكل كبير، وفي فرق بين تركيز ونسيان، نسيان إنتي مش فاكرة الحدث ومش فاكرة أي حاجة المفروض تعمليها، بس قلة تركيز إنتي بتعملي الحاجة بس ببطء عشان مافيش تركيز، الحاجة اللي المفروض تخلص في نص ساعة، ممكن تاخد منك ساعة أو ساعة ونص مثلا.