اللبس احيانا ممكن يبقى في بقع صدا، بتبقى بقع سخيفة ومش من السهل إنك تشليها، بس هنقولك طريقة سهلة تحل الموضوع ده.

هتحتاجي للحاجات دي:

1- ماية مغلية

2- رباط مطاطي

3- ملح

4- خل

5- عصير ليمون

6- فرشة سنان قديمة مش بتستخدميها

7- كربونات الصوديوم

هنعمل إيه بقى بالحاجات دي؟

1- هنحط الماية المغلية في حلة مثلا.

2- وبعدين هنحط قطعة اللبس اللي فيها صدا فوق الحلة/الوعاء ونربطه برباط مطاطي.

3- اخلطي الملح وعصير الليمون والخل ووزعيه  بفرشة السنان على البقعة لمدة نص ساعة.

4- وبعدين حطي ماية مغلية فوق بقعة الصدا.

5- ممكن تعيدي الموضوع كذا مرة لغاية لما البقعة تتشال.

6- لو لسه في بقعة، زودي كربونات الصوديوم على الصدا واربطيها برباط مطاطي.

7- وبعد كده حطيها في ماية مغلية والبقعة هتتشال بعد لما تغسليها بالطريقة العادية الطبيعية في الغسالة.