أحمد فهمي، كشف الفنان أحمد فهمي، لأول مرة عن إصابته بمرض في القلب، موضحًا أنه اكتشف إصابته بالمرض فجأة في 2016 بعد إجرائه إشاعات وفحوصات طبية لطبيب التخسيس.

ولفت خلال لقائه ببرنامج "حبر سري" الذي تقدمه الإعلامية اسما إبراهيم بقناة "القاهرة والناس": إلى أنه حريص على الحفاظ على وزن مثالي دون زيادة ولكن فوجئ بزيادة وزنه في 2016 الأمر الذي دفعه للذهاب لطبيب التغذية والتخسيس الذي طلب منه إجراء فحوصات وأشعة طبية تبين من خلالها إصابته بمرض في القلب.

وأضاف:"طلع عندي حاجة في القلب وده كان أمر مستغرب بالنسبة لي وطبيب التخسيس سألني أنت مبتنهجش فقلت له خالص أنا بلعب إسكواش وكرة وبروح الجيم، وبعد كده جاء دكتور تاني من إنجلترا وعملت فحوصات وتبين إن عندي مشكلة في الصمام الميترالي، الصمام ده المسئول عن ضخ الدم من القلب للجسم والصمام ده بيفتح لبرة وبيقفل تاني علشان الدم ميرجعش للقلب التاني فأنا من العصبية حصل لي ارتجاع بسيط في القلب فأتخضيت على نفسي وعملت عملية".

ولفت أحمد فهمي:"لما أبويا توفى كان من حقي اتدخل في حياة أخواتي البنات، وبقيت تقريبا أبوهم فالتدخل إني لازم أبقى موجود وضهر وداعم ليهم، عندي 5 أخوات بنات وبقيت أبوهم بعد وفاة الأب".

وأشار: "عمري ما كنت متدلع أبويا فرض على طريقة في التعامل وأنا صغير علشان اطلع راجل، ومن وانا عندي 8 سنين ابتديت اشتغل برة المزيكا، وكنت بحاول أوفر فلوس علي أبويا".