حلت الفنانة ياسمين عبد العزيز، ضيفة على الإعلامية والفنانة إسعاد يونس، في برنامجها صاحبة السعادة، وتحدثت خلال اللقاء عن تفاصيل بدايتها الفنية، بجانب الكشف عن تفاصيل طلاقها من الفنان أحمد العوضي لأول مرة، وإمكانية زواجهما مرة أخرى بعد الطلاق.

أكيد كان في مشاكل قبل طلاقي من أحمد العوضي، وأنا مش بحب أحمد أنا بعشقه، أنا لما حبيت أحمد اكتشفت إني مكنتش بحب قبل كده، وإن أحمد هو أول حب في حياتي.

أنا كنت فاكرة إن قبل كده ده حب ولكن هو مش كده، أحمد الحب الحقيقي، أنا عن نفسي عملت استخارة وعمرة واللي ربنا رايده يكون، وعارفة إنه بيحبني وهو عارف إني بحبه.

أقسم بالله سبب الطلاق مش خيانة، وفيه ناس مؤذية كتير بقالهم سنين بيأذوني وربنا يجبلي حقي، وأكيد لو خيانة أنا مش هسكت، والجمهور الحقيقي اللي بيحبنا بيحبنا مع بعض، فيه ناس قلبها أسود وحقودة مبيحبوش يشوفوا اتنين بيحبوا بعض ميعرفوش يعني إيه حب.

- تنبأ ليلى عبد اللطيف، طبيعي إن أي اتنين بيتطلقوا بيكون فيه قبلها مشاكل وناس حوالينا عارفين وأكيد بلغوا، ومفيش حد بيعلم الغيب إلا ربنا.

ياسمين عبد العزيز في برنامج صاحبة السعادة

- قعدوا يقولوا انتوا في السحور شوفتوا بعض كل ده متركب أنا وأحمد مشوفناش بعض في السحور، هو كان موجود في وقت وأنا موجودة في وقت مختلف، يا جماعة ارحمونا بجد، هيستفيدوا إيه إنهم يوقعوا بينا؟.

- كمية كلام بيقتال كذب، وناس كتير مصدقة إن أنا وأحمد شوفنا بعض وإني بتنهد، أنا التنهيدة دي عندي من ساعة ما اتطلقت، وحاسة إن فيه حاجة وجعاني في قلبي، ومش عارفة لو شوفته ممكن يحصل إيه.

- أنا طول الوقت بهرب، بفتح الفيسبوك ألاقينا حاضنين بعض، أفتح التيك توك ألاقيهم عاملين لينا فيديوهات، يا جماعة ارحموني الحاجات دي بتوجع وبفكر في اللي فات خاصة إني بحبه.

ياسمين عبد العزيز وأحمد العوضي

- أنا دخلت أعمل العملية عشان أشيل أكياس عشان أحمل، وأول مرة أقول الكلام ده، ودي طبيعتي إني قبل ما أحمل لازم أشيل الكياس، وفي بنتي وابني عملت كدا.

- بعد مسلسل اللي ملوش الكبير اتفقت مع العوضي إني أحمل، ودخلت العملية وحصلت غلطة وكنت هموت فيها، وربنا كتبلي عمر جديد.

- أنا طول عمري متجوزة وعمري ما كنت سينجل، واللي طول عمره متجوز ده ميعرفش يبقى لوحده، من وأنا عندي 18 سنة متجوزة وبعد ما اتطلقت اتجوزت أحمد العوضي.

- أنا حبيبة معرفش أبقى لوحدي، بس أنا أعمل إيه في قلبي دلوقتي؟ أي حاجة من ربنا خير، ربنا مبيعملش حاجة وحشة إحنا البني آدمين اللي مؤذيين، وربنا مبيعملش إلا كل خير، وأنا راضية.

- مش عايزة بنتي تكون زيّ، لا تمثل ولات تكون شقية.3

ياسمين عبد العزيز في برنامج صاحبة السعادة

- وأنا بنتي كيوت وغيري ورقيقة بزيادة، بنتي ساعات بتنسى إن أنا ماما، وأنا بخلي ولادي يتكلموا عادي ومبقدرش أشوف كدا، وبقولهم أنا جيباها من تحت.

- أنا مش عايزهم يطلعوا مشاهير، ومكرههاهم في الموضوع من زمان، وبالنسبالي أنا شايفة الشهرة مش حلوة، وأنا قولت لبنتي أنتي حرة بتروحي وتيجي براحتك ومحدش بيضايقك، وسستمتهم على الطريقة دي.

 أنا بتعامل مع ولادي إننا أصحاب، لدرجة إن بنتي ساعات بتنسى إني أمها، ولكن أنا في الأخر بفوقها، وأفكرها إني أمها.

أنا أم لذيذة أوي، وفي الأول والأخر دي حياة ولادي وأسيبهم يعملوا اللي هم عايزينه، لكن بعد ما ربيتهم، وأنا كنت شقية جدًا، لكن ولادي مش كده.

أنا كنت أغلى موديل إعلانات، وكنت حاسة بالمسؤولية وبصرف على نفسي مصاريف المدرسة ودروسي وصرفت على نفسي في الكلية، ولما صلت لسن 15 أو 16 سنة اشتريت لنفسي عربية وشقة.

ماما طيبة أوي لدرجة إن ممكن حد يضايقها ومتعرفش تاخد حقها، وأنا قررت أبقى عكسها وكنت عايزة أبقى شخصية قوية.