وفاة الفنان تامر ضيائي بعد إصابته بجلطة مؤخرًا
![ميداني](https://www.maydany.com/img/24/07/17/109615.jpg)
![](https://www.maydany.com/ix/GfX/logo.png)
وأعلن الفنان محمد علي رزق، وفاة الفنان تامر ضيائي، حيث كتب عبر حسابه الشخصي بموقع فيسبوك، وقال: لا حول ولا قوة إلا بالله صديقي وأخويا الكبير عشرة عمري تامر ضيائي في ذمة الله.. الله يرحمك يا تامر ويجعلك من أهل الجنة ويعوضك عن تعبك في الدنيا.. نسألكم قراءة الفاتحة والدعاء له بالرحمة والمغفرة.
وكان تامر ضيائي كشف وصيته بعد نجاته من الجلطة في الأيام الماضية، وخضوعه لعملية قلب، حيث أوصى كل محبيه بالدعاء له إذا رحل وبضرورة مشاركتهم في جنازته، لأن حضور الجنازة في رأيه أهم من العزاء، وذلك حتى يزيد من ثوابه.
وكتب تامر ضيائي منشورًا عبر حسابه الشخصي بموقع التواصل الاجتماعي فيس بوك قال فيه: بوست الوصية ده هيفضل باين على صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لإني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد.
وتابع تامر ضيائي: دي وصيتي صلاة الجنازة أهم من العزا، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو اتعمل في البيت أو مكان بسيط بفلوسه تطلعولي صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفي إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وادعولي الوقت اللي هتقروا فيه جزء فضوا نفسكم واقعدوا ادعوا فيه.