علق إبراهيم سعيد نجم منتخب مصر السابق، أحمد سيد زيزو، بسبب المستوى الذي ظهر به الأخير، خلال مباراة موريتانيا، في تصفيات أمم أفريقيا.

وقال إبراهيم سعيد خلال تصريحات فضائية تلفزيونية :"مازال زيزو بعيد عن مستواه رفقة منتخب مصر، لو زيزو فضل على الحال ده لمدة10 سنين كمان مش هيتألق، مش هيوصل لحاجة ولا المنتخب هيستفاد منه، ولا الجهاز الفني ولا حتى الجمهور، أداء زيزو تقليدي، ومش بشوف الشغل بتاعه وبيلعب على الواقف".

وأضاف: "فين مهارة زيزو في الواحد ضد واحد، وطريقة لعبه اتحفظت، ممكن حد يقولي أرقامه إيه مع المنتخب، فين أحسن لاعب فيمصر؟، وأي حد من جيلنا المبطل لو رجع هيكون أحسن لاعب في مصر، زيزو أكد لنا إنه لاعب محلي بنسبة 100%".

وتابع: "محمد صلاح بسببه مش بياخد حريته في المعلب، وهل كابتن حسام حسن بيخاف من النجوم؟ بيخاف من أوضة اللبس؟ اعتقد لأ، لأن تاريخه أكبر من كدة بكتير، ويا كابتن حسام اللي بيزعل ومش بيفيد المنتخب يطلع برا، اللي بيتقمص يطلع برا".