معظم الأطفال بتحب الحاجات الحلوة، خصوصا لما تبقى الشوكولاتة ومعظمهم برضه بيحبوا الكورن فليكس، حاجتين بيبقوا موجودين في بيوت كتير وبتستخدميهم في الفطار لأطفالك.

طيب إيه رأيك تجمعي الإتنين مع بعض في سناك خفيفة كده تقدري تعمليها في أي وقت بمكونات بسيطة وسهلة؟

المقادير: 

100 جرام شوكولاتة غامقة (Dark Chocolate) . 

3 معالق كبيرة عسل .

كورن فليكس . 

طريقة التحضير:

1- حطي الشوكولاتة  الغامقة على نار هادية لغاية لما تسيح كده.

2- زودي العسل على الشوكولاتة وقلبيهم مع  بعض كويس.

3- حطي الكورن فليكس على  الخليط وقلبيهم كويس مع بعض.

4- وزعي الخليط في قوالب وحطيه في االفريزر لمدة حوالي ساعتين وبعد كده طلعيها هتكون متماسكة شوية واطفالك يقدروا ياكلوها.

5- لو حسيتي إنها هتكون ساقعة شوية عليهم ممكن تسبيها شوية وبعدين ياكلوها.

6- ممكن تزودي عليها صوص شوكولاتة أو كراميل.