في مفاجأة غير متوقعة، أعلن الفنان الشاب هادي خفاجة، اعتزاله التمثيل نهائيًا في مصر، على خلفية موقف حدث معه من قبل أسرة برنامج "وش السعد" الذي يقدمه الفنان الكبير "محمد سعد" على إحدى القنوات الفضائية الشهيرة.

وكتب "خفاقة" على حسابة الشخصي بأحد مواقع التواصل الاجتماعي، ما يلي :

"قررت انا هادى خفاجة اعتزال التمثيل نهائياً فى مصر وده بسبب الموقف اللى انا هاحكيه هو موقف فى قمة قلة الذوق اللى فى الدنيا جاتلى مكالمة الساعة ١٢ بليل ان محمد سعد عايزنى فى تصوير فى حلقة من برنامج وش السعد اللى هيا كانت انهارده و انه عايز يقعد معايا طبعاً لبست و روحتله الساعه ١ بليل كان موجود الكاست كله و نجوم الحلقه ايتن عامر و منه عرفه و عملنا بروفه و اتفقت مع مدير الانتاج و الملابس و كل حاجه و استاذ سامح عبد العزيز المخرج قعدت معاه و اتكلمنا عن الشخصيه و اتفقنا ان التصوير بعدها بيوم خلصت كانت الساعه ٤ الفجر روحت البيت نمت و صحيت استعديت نفسياًً ان رايح التصوير و حفظت السيناريو كان المعاد الساعه ٥ المغرب لقيت اتصال  وانا فى الطريق الساعه ٤ العصر من واحد من مساعدين الاخراج بيقولى استاذ هادى احنا اجلنا الاسكتش بتاع حلقة حضرتك و هنكلمك نقولك امتى التصوير ان شاء الله .. افتح Mbc Masr من شويه الاقي الاسكتش بتاعى اتصور بممثل تانى ؟؟ طب ليه الف و الدوران الحمد لله تاريخى مش هيقف على حلقه بس موضوع تقدير انا حبيت احكى لانى وسط حاجات كتير حصلتلى مكنتش مستحمل حركه زى دى و بكرة بإذن الله هاكون فى نقابة المهن التمثيلية و هاسلم استاذ اشرف ذكى عضوية النقابه لانها متلزمنيش فى شئ دلوقتى بس بجد كفايه تدمير فى المواهب و احباط فى الناس لان الوسط بجد اصبح عن عصابات تتحكم فيه .. وان شاء الله هاكمل مستقبلى الفنى فى دولة تانيه بتقدر الانسانيه قبل المواهب و المجالات وده قرار نهائى بجد بينى و بين نفسى مش هرجع فيه"