بالفيديو.. مرتضى يكشف أسباب رحيل «حلمي».. ويؤكد: «اللاعيبة المصرية مش بتحترم إلا الأجنبي»
كتبت أمل حسينميدانيكشف مرتضى منصور، رئيس نادي الزمالك، أسباب رحيل محمد حلمي، المدير الفني للفريق، وقيام مجلس الإدارة بالبحث عن مدير فني أجنبي لقيادة الأبيض. وقال «منصور»، في مداخلة هاتفية مع برنامج «صدى الرياضة»، أمس الجمعة: «حلمي بعتلي رسالة مع هاني زادة، وقال إنه هايمشي خلاص». وتابع: «حلمي فقد الثقة في نفسه، واللاعيبة خلاص عرفت إنه عاوز يمشي». وأضاف: «هو مدرب محترم ومتميز جدًا، لكن الفترة الثانية في تدريب الفريق غير الفترة الأولى، مش ده محمد حلمي اللي أعرفه، مكتئب علطول ومتضايق، ومش بسببي، بالعكس أنا أول ما رجع زودت مرتبه، واللي قال عليه جبته. هات محمد صبري وخالد جلال جبتهم، مشّي محمد صلاح مشيته، واتعمل للاعيبة غرف مش موجودة في برشلونة وريـال مدريد، وجيم على أعلى مستوى، وغرف محاضرات، كل اللي بيطلبه حلمي بيتنفذ، ولسة صارف جزء من مستحقات اللاعيبة». وأكد: «مش هاجيب مدرب مصري تاني، ثبت إن اللاعيبة المصرية مابتحترمش إلا الأجنبي».